?

Log in

Турцыя для чайнікаў

Спадарства, падзяліцеся водгукамі пра Турцыю, калі ласка!

З якімі фірмамі, гатэлямі, страхаўшчыкамі не варта звязвацца?

На што звярнуць увагу?

Што і дзе вам спадабалася найбольш?

Кірунак традыцыйны, а мы яго ўсё абміналі ўвагай з-за банальнасці і спёкі. Я не выношу гарачыню. Таму асноўнае патрабаванне да месца - каб не надта горача, каб добрыя кандыцыянеры былі ў гатэлі.
Таксама важна, каб мора было неглыбокае і чыстае. Хочацца, каб дарога ад аэрапорту да гатэлю займала мінімум часу. Каб месца было скіраванае на ціхі сямейны адпачынак з мінімумам расейскіх турыстаў. Ну і каб кошты не вялі зорных войнаў

Галасуйце за №10 )))

http://tn.by/index.php?option=com_content&task=blogcategory&id=12&Itemid=18 -- Два хударлявыя кітайскія цмокі, мама і тата, чакаюць дзетак. Тата мацнейшы, таму кладку з яйкамі на спіне носіць ён. Цмокі прыляцелі ў краіну замкаў, абіраюць маленькі замачак, дзе будуць гадавацца і гуляцца будучыя дзеткі.
Гэта сюжэт міронавага малюнка. Ён удзельнічае ў конкурсе пад №10. А на сайце па спасылцы адбываецца штодзённае галасаванне ;)

З Новым!


З надыходзячым Новым годам!
Свабоды, упэўненасці, натхнення, моцы, здароўя і трошкі цудаў!!!
Выдавецтва "Беларуская энцыклапедыя" зараз завяршае планаванне наступнага году. Нягледзячы на назву, уласна беларускіх энцыклапедыяў яно, на жаль, не выдае практычна. А нашым дзецям яны неабходныя, як паветра! Таму мы, dzietki.org, спрабуем дагрукацца і выправіць сітуацыю, патрапіць у планы і прымусіць дзяржаву хоць нешта зрабіць для нашых дзяцей за нашыя ж падаткі.

Такім чынам прапаную вам каардынаты выдавецтва і адзін з магчымых варыянтаў ліста. Вы можаце напісаць ад сябе так, як лічыце патрэбным. Паводле законаў (хочацца спадзявацца, што яны ўсё ж маюць нейкую вагу) нашыя лісты не так лёгка будзе праігнараваць. Таму загадзя дзякуй ўсім за ўдзел і дапамогу!


Адрас выдавецтва і тэкст звароту...Collapse )

ЯЛІНКА

Ялінка для беларускіх дзетак і дарослых будзе 17 снежня. Запрашаю знаёміцца з падрабязнасцямі на http://dzietki.org
З ідэі і падтрымку буду ўдзячная!
 
“Ну, пачынаем! Галоўнае – гэта хуткасць! Пераможа адзін, прайграюць сорак два. Імчаць хутчэй за вецер! Як маланка!” – настройваў сябе МакКвін перад стартам.
Чытаць далей

тэкставая беларуская версія культавага мульціка "Машынкі" (Тачки, Cars)
Мой старэйшы хрэснік сёлета сканчае Берасцейскі радыётэхнічны каледж па спецыяльнасці "Радыёэлектроніка".

Зараз шукае сабе месца для практыкі (люты-красавік) і для далейшага размеркавання. Вельмі хоча ў Менск, бо тут у яго дзяўчына.

Можа вы ведаеце нейкія фірмы, якім цікавая бясплатная працоўная сіла на практыку і работнік на 2 гады размеркавання? Профіль: камунікацыі, ІТ і да т.п., ёсць пасведчанне электраманцёра.

Буду вельмі ўдзячная за ідэі і прапановы!
Здавалася б, відавочна, што сістэма адукацыі мусіць быць па вызначэнні найпразрыстай, адкрытай да супрацоўніцтва (асабліва з бацькамі вучняў).

Але прафесійны ровень настаўнікаў імкліва зніжаецца. І для заняцця адміністрацыйных пасадаў у сістэме адукацыі найперш патрабуюцца гнуткасць і прадажнасць. Гэта цягне за сабой лагічны ланцужок: школа спачатку па сутнасці перастала быць "храмам ведаў", а цяпер перастае клапаціцца і пра знешняе падабенства да яго. Школа робіцца рэжымным аб'ектам, для наведвальнікаў якога (настаўнікаў, вучняў, персаналу, адміністрацыі) галоўнае - адпаведнасць рэжыму.
-Веды? - Пра што вы кажаце?!

http://www.zviazda.by/ru/issue/article.php?id=86302 - Звязда піша пра "кропкавую ініцыятыву" Фрунзенскага раёну.

Аднак спробы забараніць бацькам праходзіць далей за вартаўніка сёлета прадпрынялі і ў 23 беларускай гімназіі! Спачатку класныя кіраўнікі на сходзе папрасілі бацькоў без патрэбы не хадзіць далей за распраналку. Але ўжо на наступны дзень "педагогі" на ланцугу на варце не пускалі бацькоў з клункамі набытых для школы мыла, сурвэтак, паперы і г.д. Гэта было зусім не "без справы". І гаворка ўжо не ішла пра "далей за распраналку".

Са мной, ясна, такія фокусы не праходзяць. Я паспрабавала высветліць, на якой падставе. Мне спаслаліся на нейкі "новы закон", "ліст з дзяржаўнага воргана" і "рэжым". Нічога ўцямнага - толькі палымянае жаданне выслужыцца.

Я патэлефанавала ва ўпраўленне сярэдняй адукацыі Міністэрства адукацыі - там мяне запэўнілі, што ніякіх новых дакументаў сёлета не прымалі. Ветліва прапанавалі патэлефанаваць для пэўнасці ў гарадскі аддзел адукацыі і нават далі тэлефоны. Там суразмоўцы мне тксама аўтарытэтна заявілі, што ніякіх новаўвядзенняў не ініцыявалі. Нагадалі толькі, што элементарны клопат пра бяспеку прадугледжвае кантроль за тым, хто ўваходзіць у школу. З гэтай мэтай у многіх школах бацькам зрабілі пропускі, а калі па дзіця прыходзяць бабулі-дзядулі, то яны тлумачаць сітуацыю ахоўніку (пажадана, пра гэта загадзя папярэдзіць). І ўсё!!! Са спробамі перавышаць паўнамоцтвы раілі разбірацца і прапаноўвалі дапамогу.

Таму, шаноўныя бацькі, калі нехта спрабуе вас не пусціць да дзіцяці ў школу - выклікайце міліцыю альбо тэлефануйце наўпрост ва ўпраўленне адукацыі (а можаце проста ігнараваць і ісці па сваіх справах - галоўнае не бегчы, бо ў сабак спрацоўвае інстынкт :) )

Бацькі МУСЯЦЬ наведваць школы: кантраляваць, як захоўваецца моўны рэжым, як адбываюцца камунікацыі паміж настаўнікамі і паміж вучнямі, у якім стане знаходзяцца рэчы, набытыя за грошы бацькоў, ці выконваюцца санітарныя нормы, ці маюць дзеці неабходныя ўмовы для рухальнай актыўнасці на перапынках і г.д. Ды як мінімум, са школьнымі абвесткамі варта знаёміцца (У выпадку 23 гімназіі яны знаходзяцца як раз за спінамі бдзіцельных каравульных жэншчын, а гімн у калідоры напісаны з арфаграфічнымі памылкамі!)

Можа быць камусьці ў адміністрацыі школы выгодна неўпрыкмет пераўтварыць школу ў калонію строгага рэжыму, якая будзе жыць у атмасферы страху і падпарадкоўвацца кожнаму, хто назаве сябе начальнікам. Але законна і лагічна будзе бацькам весці СУПРАЦОЎНІЦТВА з настаўнікамі, якое прадугледжвае пастаянны кантакт, дыялог, магчымасць знаходзіцца ў курсе ўсіх справаў і браць штодзённы ўдзел у школным жыцці.

Можа быць нехта забыўся, але гэта школа дапамагае бацькам гадваць дзяцей, і ні ў якім разе не наадварот! Г.зн., што сям'я - на першым месцы, а школа створаная, каб падтрымаць і дапамагчы сям'і выхаваць дзіцё так, як вырашыла сям'я! Нездарма нават за савецкім часам вядомы часопіс называўся "Семья и школа" - менавіта ў такім парадку, а не наадварот! (Абсурдныя і камічныя спробы некаторых настаўніц выхоўваць бацькоў - без каментароў!)

Не магу не працытаваць Талстога (між іншым, з хрыстаматыі па педагогіцы для студэнтаў педагагічных ВНУ):

Школа должна иметь одну цель - передачу сведений (instruction), не пытаясь переходить в нравственную область убеждений, верований и характера; цель ее должна быть одна - наука, а не результаты ее влияния на человеческую личность.
Л.Н. Толстой

Воспитание, как умышленное формирование людей по известным образцам не плодотворно, не законно и не возможно.
Л.Н.Толстой